Sexta-Feira

Super Model Indonézia Harame Fashion Tais Timor

Super Model Indonézia Harame Fashion Tais Timor

Artista, designer, fashion no emprezáriu Raul Lemos ho nia espoza, Krisdayanti inklui nia oan sira durante serimónia Raya Tex Present: “Tais Ready to Wear 2017”, iha Centro de Convenções de Díli (CCD), Sábadu (10/12).// Foto ANTIL, António Gonçalves

DÍLI, (ANTIL) — Promove roupa tradisionál Timor-Leste, empreza Raya Tex organiza atividade Tais fashion show iha Centro Convenções de Díli (CCD), Sábado (10/12) perante membru governu, parlamentu, ilustre konvidadu, media lokál nomós internasionál sira.

Luna Maya

Luna Maya

Atividade fashion show ne´e harame husi artista no super model Indonézia nian hanesan Krisdayanti, KD (espoza emprezáriu Raul Lemos, na´in ba empreza Raya Tex), Luna Maya, Raline Shah, Laura Mujadi nomós Kelly Tandiono.

Iha kalan Tais fashion ne´e harame mós dansa kultura timoroan sira nian ne´ebé organiza ho kompozisaun husi grupu Le-Ziaval, Timor Furak no Grupu St. António.

Tais sira ne´ebé utiliza husi model sira nu´udar kolaborasaun serbisu entre Designer timoroan, Milena Verdial ho Designer Indonézia, Luthy Ibrahim Saleh. Nune´e mós, jewelery Designer husi Indonézia, Hans Virgoro.

Atividade Tais fashion show la´o ho di´ak to´o finál host husi, eis aprezentadora Televizaun Timor-Leste (TVTL), Paula Rodriguês nomós timoroan seluk, Alberto Piedade (Bepi).

Entretantu atividade  ne´e susesu tanba hetan mós apoiu ka patrosinu husi governu, emprezáriu nasionál inklui mós emprezáriu internasionál sira. (Jornalista: Rafy Belo/Editor: Otelio Ote)

Liafuan ne ' Ebé Relasiona Ho

Husik Komentáriu Ida

Ita-nia diskursu email sei la sai ba públiku. Área ne ' ebé presiza hetan marka ho *


Cancel reply

Comments

comments

Liafuan ne ' Ebé Kontra

Liafuan Ikus

Liafuan Ohin